Inhalt
22.03.2011
Preisrutsch bei Grossverteilern:
Ob Deo, Kaffi, Schuegrääm, Biirebrot, Clematis,
Bi Lidl, Denner, Aldi, Migros – halber gratis.
Bim Coop muesch sälber scänne, s wäär no knapp z verdrätte,
Doch woorschiints muesch no bald di Brotdaig sälber knätte.
Die Penetrante
Handy
Ammigs weiss y nit, was sich my Alti dänggt.
Sy hett mer so-n-e nöimoodischs Händy gschänggt.
Äins mit allne Schykaane... und s Beschte draa
Syg die Megapixel-Kameraa.
Dä Saich bruuch y nit, daas ha-n-y mer gschwoore.
Was söll y mit Bilder vo myne Oore?
Die Groobschlächtige
Nanos
Der Glai sait ganz stolz zu de Frinde: «Ich ha no s
paar yysserscht spezielli und sälteni Nanos!»
Und paanisch lut hächelnd, scho zyymlig am Änd,
Suecht s Omi dehäi ihri Medikamänt.
Wyybuure
Service public
Uff em Land, in de Deerfer, do lauft nyt.
Gseesch kai Kind, numme alti Lyt.
Uns schyynts, dr Storch – s muess fascht so sii –
Isch Dail vom Service public gsii.
D’Emigrante
Kommentare zu diesem Artikel
Bitte melden Sie sich an, um einen Kommentar hinzuzufügen
Sind Sie bereits Abonnent, dann melden Sie sich bitte an.
Nichtabonnenten können sich kostenlos registrieren.
Besten Dank für Ihre Registration
Sie erhalten eine E-Mail mit einem Link zur Bestätigung Ihrer Registration.
Keine Kommentare vorhanden