Krankenkassen: «Uff em Seewäg vo Somalia luure vyl Gfoore. Me wird ständig usgraubt, total unverfroore. Und zwor vo Pirate, die gits dert in Masse. Bi uns do erlediget das d Granggekasse.»
Anggewegglimaitli


Post: «Wilsch e Brief verschigge, gosch zur Poscht, s Poschtauto nimmt en mit. Das isch ganz gäl und zueverlässig, was e kaibe Gligg. Dr Moritz bstellt so sini Lit, au dr Béglé isch so koo. S gäle Wägeli het
en anebrocht, uf die kasch di halt verloo.»     
Die Polyvalänte


Flughafen-Check-in: «Y has au brobiert am Self-Check-in- Schalter, s isch gar nit schlächt gange fir my Alter. Kai Brobleem – das wär scho glooge, y bi denn halt im Frachtruum gflooge.»     
Pierrot


Banken: «Noch wie voor gänn d Bangge, mir finde s unerheert, ganz e Huffe Gäld us, wo iine gar nit gheert. Banggiiberfäll gits nimm, denn d Raiber mache Blaue, si hänn Schiss, si wuurde sich e Sagg voll Schulde klaue.»
Schuumschleeger.